Նորավանք - Շաքիի Ջրվեժ - Տաթեվ - Սատանի Կամուրջ - Խնձորեսկ

Միասին բացահայտե՜նք Սյունյաց լեռների գողտրիկ անկյունները

Նախքան Սյունիքի մարզ հասնելը կայցելենք հոյակերտ Նորավանք: Տպավորիչ վանական համալիրն այցելուներին զարմացնում է իր զարդաքանդակների նրբաճաշակությամբ և շրջակայքի հետ ներդաշնակությամբ: Ճանապարհը կշարունակենք դեպի հրաշագեղ Շաքիի ջրվեժ, որը Հայաստանի ամենագեղեցիկ բնական հուշարձաններից մեկն է: Ջրվեժի բարձրությունը 18 մետր է: Այնուհետև կայցելենք Տաթևի վանական համալիր, որտեղ կարող եք նստել Տաթևեր ռեկորդակիր ճոպանուղի: Տաթևի վանքից ներքև՝ Որոտան գետի 500 մետրանոց կիրճում, կտեսնենք Հայաստանի բնության հրաշքներից մեկը՝ Սատանի կամուրջը: Հաջորդ կանգառը կլինի Հարսնաձորի դիտակետը, որտեղից բացվում է չքնաղ տեսարան դեպի Որոտանի կիրճ:  Կայցելենք նաև Խնձորեսկ, որտեղ քարանձավային բնակատեղիներից բացի, կտեսնենք նաև Մխիթար Սպարապետի գերեզմանը և 15-17 դարերի եկեղեցի: