Քայլարշավ դրախտի միջով դեպի Հավուց Թառ

Մեր հետաքրքրաշարժ արշավը կսկսենք Գառնու տաճարից։ Այն զբոսաշրջիկների շրջանում ամենահայտնի պատմաճարտարապետական ​​հուշարձաններից է, որը գտնվում է Կոտայքի մարզում։ Այն հեթանոսական շրջանից Հայաստանում պահպանված միակ կառույցն է՝ նվիրված Միհր աստծուն։ Մինչ տաճար հասնելը կանգառ կունենանք Չարենցի կամարի մոտ, որտեղից բացվում է հիանալի տեսարան դեպի Արարատ լեռը։

Տուրի հաջորդ կետը հայտնի «Քարերի սիմֆոնիան» է, որը գտնվում է Գառնիի հեթանոսական տաճարից ոչ հեռու՝ Ազատ գետի կիրճում, և ընդգրկված է Հայաստանի բնական հուշարձանների ցանկում։ Քարերի սիմֆոնիան, որը նաև հայտնի է որպես «Բազալտե երգեհոն», հիացնում է իր հիասքանչ, արհեստական ​​թվացող ժայռերով:

Աննկարագրելի գեղեցկության այս բնական հուշարձանից հետո կանցնենք 11-րդ դարի կամուրջով և կմտնենք Խոսրովի պետական ​​արգելոց՝ շարունակելու մեր արշավը դեպի Հավուց Թառի գլուխգործոց։ Այն ժամանակին եղել է միջնադարյան Հայաստանի ամենամեծ և կարևոր վանքերից մեկը։ Մեր քայլարշավի ընթացքում կվայելենք Ազատ գետի կիրճի շունչը կտրող տեսարանը: Այնուհետև կվերադառնանք Գառնի և կուղևորվենք Երևան։

Այս քայլարշավի համար անհրաժեշտ է ունենալ չսահող սպորտային կոշիկներ, հարմարավետ հագուստ, արևից և անձրևից պաշտպանող պարագաներ (ակնոցներ, գլխարկ, քսուք, անձրևանոց), ինչպես նաև մեկ օրվա համար նախատեսված սնունդ և ջուր։

Այս գեղեցիկ արշավային ծրագիրը հնարավորություն կտա տեսնելու և՛ պատմական հուշարձանները, և՛ վայելելու բնության հիասքանչ գեղեցկությունները:

Արժեքի մեջ ներառված է

• Բարձրակարգ տրանսպորտ
• Զբոսավարի ծառայություն