Լոռվա Բնության Հրաշալիքները

Այսօրվա այցելության առաջին վայրը Վարդաբլուրի լճերն են: Դրանք իդեալական վայր են իրենց հանգիստը բնության գրկում անցկացնել նախընտրողների համար: Լճերը գտնվում են Վարդաբլուր գյուղի մոտակայքում։ Դրանք թվով հինգն են, որոնցից երեքը ընկած են մեկը մյուսի կողքին,  տարբեր գույնի են և կոչվում են եռագույն լճեր: Լճերը շրջապատված են խոնարհադեմ ուռենիներով և սաղարթախիտ անտառներով: Տարածքում կա նաև կղզյակ, որին կարելի է հասնել կամրջով:

Կայցելենք նաև Վարդաբլուրի Սուրբ Աստվածածին եկեղեցի: Եկեղեցուն հարակից հարթության վրա կանգնած են տարբեր ժամանակաշրջաններին պատկանող խաչքարեր, որոնք գյուղի և հին բնակատեղիի դարավոր պատմության վկաներն են:

Դեբեդի կիրճն ունի բազմաթիվ ապշեցուցիչ տեսարաններ, և դրանցից մեկը Արևածագի կիրճն է՝ վայր, որը հաճախ համեմատվում է Հարավարևելյան Ասիայի արևադարձային վայրերի հետ՝ ջրից դուրս եկող արհեստական թվացող ժայռերով: Տարածքի բնությունն այնքան ցնցող է, որ դուք, անկասկած, կցանկանաք կանգ առնել և լուսանկարվել: Դուք կտեսնեք խորհրդանշական ժայռը (կոչվում է Ցիցքար), հարակից եկեղեցիները և բերդի ավերակները, Ձորագետը և շատ ավելին:

Արժեքի մեջ ներառված է

• Բարձրակարգ տրանսպորտ
• Զբոսավարի ծառայություն

Արժեքի մեջ ներառված չէ

• Դենդրոպարկի մուտքավճարը` 500 դր
• Լոռի բերդի մուտքավճարը՝ 1500 դրամ